Pulled Pork borgari

Aðferð

Undirbúningur

1. Hita ofninn í 220°C.

2. Skera fituna af svína bóginum.

3. Blanda öllum kryddunum saman í skál, ásamt pressuðum hvítlauksrifjum. Setja smá ólífuolíu á kjötið og makið kryddinu yfir allt kjötið að ofan.

4. Setja kjötið inn í heitan ofn, ég eldaði mitt í gamla svarta steikarpottinum klassíska og var með lokið á, Ef er eldað í fati setja þá nokkur lög af álpappír yfir. Setja smá vatn í pottinn og jafnvel 1-2 lauka. Baka kjötið í 30 mínútur.

5. Lækka hitann í 160° og elda áfram í ca 2,5 - 3 klsta, því lengur því betra. Inná milli ausa soðinu úr pottinum yfir kjötið. Hellið bjórnum / pilsner í pottinn

6. Taka kjötið uppúr pottinum og á bretti. Leyfa að kólna aðeins. Svo er bara að rífa kjötið niður með 2 göfflum eða setja í hrærivél og leyfa henni að rífa niður kjötið. Nota “hnoðarann”

7. Svo set ég rifna kjötið aftur í pottinn og helli bbq sósunni yfir og hita örlítið ( ég eldaði kjötið kvöldinu áður) Annars bara setja rifna kjötið í skál og setja bbq sósuna yfir og blanda saman.

8. Svo er bara að raða saman. Ég var með venjuleg hamborgarabrauð fyrir þá sem eru ekki á lágkolvetna eða keto og fyrir okkur sem eru keto eða lkl þá lágkolvetna hamborgarabrauð, ég notaði bara helminginn. Svo er líka mjög gott að einfaldlega sleppa brauðinu alveg, ég gerði þannig daginn eftir.
   
   Minn borgari:
   

   • botninn á hamborgarabrauðinu

   • kál

   • spæsí mæjónessósa (kokteilsósa með sriacha sósu)

   • rifið kjöt

   • spæsí hrásalat

   • pikklaður rauðlaukur